أهم مميزات وعيوب ويندوز 8
طبعا كلنا بنسأل قبل ما ننتقل لاي نظام تشغيل جديد عدة اسئلة ، مثل هل انا مستعد للمخاطرة ، وهل الشي بيستحق اني اخاطر عشانه وانزل نظام تشغيل جديد ما أعرف عنه شي ، من خلال هالموضوع أحاول بقدر الامكان اوصلكم كل شي من مميزات وعيوب في ويندوز 8 حتى اسهل عليكم اتخاذ القرار بالانتقال من عدم ، نبدأ على بركة الله
مميزات:
- سرعة الاقلاع رهيبة ، بحيث انها بالكاد تتجاوز 12 ثانية ، بيكون سطح المكتب امامك وتبدأ العمل ،، يعني ما بين 9 و 12 ثانية .
- الوصول لكل شي صار اسهل ، يعني كل التطبيقات امامك في شاشة واحدة بضغطة زر بتوصل للي بدك اياه .
- طريقة التنقل بين البرامج وسطح المكتب مميزة كتير ، بتخليك بس بدك تضلك تلف وتلف وتلف !
- امكانية تقسيم الشاشة لجزئين ، سطح مكتب وبرنامج او برنامج وبرنامج أخرى ، بصراحة خاصية فخمة جدا.
- تطبيق الفيس بوك وتويتر الموجودين في الويندوز بيتيحوا لك الوصول لكل شي خاص فيك على فيس بوك وتويتر بسهولة تامة دون الحاجة لدخول الموقع من التصفح.
- كل برامج ويندوز 7 وتعريفاته بتشتغل على ويندوز 8 بدون اي مشاكل.
- سهولة الوصول للشاشة الرئيسية للبرامج بالضغط على زر شعار الويندوز او توجيه الماوس لاسفل يسار الشاشة .
- امكانية استعادة الويندوز في حال حصول عطب فيه مع الحفاظ على كافة الملفات والاعدادت الخاصة فيك على سطح المكتب او في القرص بدون اي تدخل منك .
- امكانية استعادة الويندوز لحالته الاصلية في حالة قررت تبيع الجهاز او تعطيه لحد وما تبي يكون على الويندوز شي بترجعه كما ولدته امه بدون اي مشاكل .
- شاشة الدخول وكيفية اقفالها وفك اقفالها وخاصية سحب الصورة لاعلى .
- امكانية التنقل بين حسابات المستخدمين باقل من ثانية وبكل سهولة بدون اي تعليق .
- الويندوز اكسبلورر ، صار مطور بشكل كبير كثير ، وبيجمع كل شي خاطرك فيه نافذة واحدة.
- نافذة نسخ ونقل الملفات مطورة وبتعرضلك تفاصيل كثيرة مع امكانية اغلاق او ايقاف النقل بشكل مؤقت مع سرعة النقل بشكل بياني بالميجا بايت.
- ادارة المهام صارت مطورة بشكل كبير ، بحيث انك بتقدر تعرف كل برنامج وشو بيعمل تحديدا وشو تأثيرة على كل شي بجهازك وبامكانك تغلقه بكل سهولة.
- الخاصية الاجمد ، هي انو برامج واجهة الميترو مش واجهة الديسكتوب العادية ، يعني البرامج اللي نازلة مع ويندوز 8 على الواجهة ما فيها زر اغلاق ، بالمعنى الاصح تم استخدام ذكاء الحاسب في تحديد ما اذا كان هالبرنامج بيتم استخدامه او لا وفي حالة ما كنت بتستخدمه ، بيتم اغلاق البرنامج بشكل تلقائي بعد فترة معينة ، طبعا هادا بخصوص واجهة المترو اما البرامج اللي بشتغل عليها على واجهة الديسكتوب العادية زي الماسنجر والاوفيس والفوتشوب عادي اغلاقها متل اغلاقها في ويندوز 7 عن طريق الاكس الاحمر.
- استهلاك العتاد ، بصراحة ويندوز 8 على جهازي اسرع بنسبة 90 % من ويندوز 7 ، يعني جنة بالنسبة لويندوز 7 لانو بيستهلك اقل عتاد ممكن من جهازي .
- اسلوب تسجيل دخول مختلف واسلوب بداية تشغيل الويندوز مختلفة ولو كان عندك ويندوز 7 ونزلت ويندوز 8 جنبه حتلاحظ انو شاشة اختيار الويندوز مختلفة برضوا والجرافيكس تبعها مطور بشكل كبير وكتير حلوة.
عيوب:
- خاصية اغلاق البرامج بشكل تلقائي ، ممكن تكون مزعجة للبعض ، خصوصا ان احنا تعودنا نكبس زر الاغلاق ونطير البرامج .
- واجهة مترو بدها عالاقل يوم لحتى المستخدم يتعود عليها ، لانها شي جديد بالنسبة النا كمستخدمين واسلوب التنقل بين البرامج حاجة ما تعودنا عليها والطبيعي ناخد شوية وقت لنتعود .
- التأقلم مع حقيقة عدم وجود قائمة ابدأ القديمة ، برضوا بده شوية وقت ، كون قائمة ابدأ الجديدة بتوصلك لواجهة البرامج الرئيسية ولخيارات الاعدادات والبحث و............و.............
عبدالإله بن عيسى المزيعل
ليست هناك تعليقات:
إرسال تعليق